Website ban gayi, lekin Google par apne business ka naam search karne par bhi nahi dikh rahi? Ye bahut common hai. Google ko aapki website ke baare me batana aur use samjhana padta hai ki aap kya karte hain aur kahan. Ye hain simple steps.
1. Google Search Console me website add kijiye
Search Console Google ka free tool hai. Isme website verify kijiye – phir aap dekh sakte hain ki Google aapki website ko kaise dekh raha hai, kaunse pages index hue, aur log kya search karke aa rahe hain.
2. Sitemap submit kijiye
Sitemap aapki website ke saare important pages ki list hoti hai (jaise yourbusiness.in/sitemap.xml). Ise Search Console me submit karne se Google ko saare pages jaldi milte hain. Naya page banaye to "URL Inspection" se "Request Indexing" bhi kar sakte hain.
3. Har page ka sahi title aur description
Har page ka title alag aur saaf hona chahiye – kya service hai aur kahan. Jaise "Website Designing Company in Baran" ya "Dental Clinic in Malviya Nagar Jaipur". Har page par ek hi H1 heading ho.
4. Har service ka alag page
Agar aap 5 services dete hain to sab ek page par likhne ke bajaye har service ka alag page banaiye, achhi detail ke saath. Har page alag search par Google me aa sakta hai.
5. Asli, kaam ka content likhiye
Google un pages ko pasand karta hai jo customer ke sawaalon ka sach me jawab dein – price, process, FAQ, photos, examples. Doosri websites se copy kiya hua ya sirf keywords bhara content nuksaan karta hai.
6. Local SEO: Google Business Profile
Local customers ke liye Google Business Profile sabse zaroori hai. Sahi category, asli address, photos aur reviews. Detail: Google Business Profile ya website.
7. Mobile aur speed
Zyada tar log phone se search karte hain. Website mobile par achhi dikhni aur jaldi khulni chahiye. Badi images compress kijiye aur faltu plugins hataiye.
8. Doosri websites se links aur listings
Business directories (JustDial, IndiaMART, industry directories), local news, partners aur clients ki websites se link – ye Google ko bataate hain ki aapka business asli aur bharosemand hai. Har jagah naam, address aur phone ek jaisa rakhiye.
9. Reviews
Happy customers se Google review maangiye. Reviews Maps ranking aur customer ke bharose, dono me madad karte hain.
Woh galtiyan jinse bachna hai
- Keyword stuffing – ek hi keyword baar-baar bharna
- Har shehar ke liye copy-paste page banana, sirf naam badal kar
- Fake reviews ya fake address
- Website banane ke baad kabhi update na karna
- Sirf 1–2 hafte me result ki ummeed – SEO me mahine lagte hain
ZEDIX ki har website SEO-ready banti hai – titles, sitemap, Search Console aur speed setup ke saath. Aage ki ranking ke liye: SEO services.
